ab mire dūsre baazū pe vo shamshīr hai jo <br /><br />is se pahle bhī mirā nisf badan kaaT chukī <br /><br />usī bandūq kī naalī hai mirī samt ki jo <br /><br />is se pahle mirī shah-rag kā lahū chaaT chukī <br /><br />phir vahī aag dar aa.ī hai mirī galiyoñ meñ <br /><br />phir mire shahr meñ bārūd kī bū phailī hai <br /><br />phir se ''tū kaun hai maiñ kaun hūñ'' aapas meñ savāl <br /><br />phir vahī soch miyān-e-man-o-tū phailī hai <br /><br />mirī bastī se pare bhī mire dushman hoñge <br /><br />par yahāñ kab koī aġhyār kā lashkar utrā <br /><br />āshnā haath hī aksar mirī jānib lapke <br /><br />mere siine meñ sadā apnā hī ḳhanjar utrā <br /><br />phir vahī ḳhauf kī dīvār tazabzub kī fazā <br /><br />phir vahī aam huiiñ ahl-e-riyā kī bāteñ <br /><br />na.ara-e-hubb-e-vatan māl-e-tijārat kī tarah <br /><br />jins-e-arzāñ kī tarah dīn-e-ḳhudā kī bāteñ <br /><br />is se pahle bhī to aisī hī ghaḌī aa.ī thī <br /><br />sub.h-e-vahshat kī tarah shām-e-ġharībāñ kī tarah <br /><br />is se pahle bhī to paimān-e-vafā TuuTe the <br /><br />shīsha-e-dil kī tarah ā.īna-e-jāñ kī tarah <br /><br />phir kahāñ ahmarīñ hoñToñ pe duāoñ ke diye <br /><br />phir kahāñ shabnamīñ chehroñ pe rifāqat kī ridā <br /><br />sandalīñ paañv se mastāna-ravī ruuTh ga.ī <br /><br />marmarīñ hāthoñ pe jal-bujh gayā añgār-e-hinā <br /><br />dil-nashīñ āñkhoñ meñ furqat-zada kājal royā <br /><br />shāḳh-e-bāzū ke liye zulf kā bādal royā <br /><br />misl-e-pairāhan-e-gul phir se badan chaak hue <br /><br />jaise apnoñ kī kamānoñ meñ hoñ aġhyār ke tiir <br /><br />is se pahle bhī huā chāñd mohabbat kā do-nīm <br /><br />nok-e-dashna se khichī thī mirī dhartī pe lakīr <br /><br />aaj aisā nahīñ aisā nahīñ hone denā <br /><br />ai mire soḳhta-jāno mire piyāre logo <br /><br />ab ke gar zalzale aa.e to qayāmat hogī <br /><br />mere dil-gīr mire dard ke maare logo <br /><br />kisī ġhāsib kisī zālim kisī qātil ke liye <br /><br />ḳhud ko taqsīm na karnā mire saare logo <br /><br />اب مرے دوسرے بازو پہ وہ شمشیر ہے جو <br /><br />اس سے پہلے بھی مرا نصف بدن کاٹ چکی <br /><br />اسی بندوق کی نالی ہے مری سمت کہ جو <br /><br />اس سے پہلے مری شہہ رگ کا لہو چاٹ چکی <br /><br />پھر وہی آگ در آئی ہے مری گلیوں میں <br /><br />پھر مرے شہر میں بارود کی بو پھیلی ہے <br /><br />پھر سے ''تو کون ہے میں کون ہوں'' آپس میں سوال <br /><br />پھر وہی سوچ میان من و تو پھیلی ہے <br /><br />مری بستی سے پرے بھی مرے دشمن ہوں گے <br /><br />پر یہاں کب کوئی اغیار کا لشکر اترا <br /><br />آشنا ہاتھ ہی اکثر مری جانب لپکے <br /><br />میرے سینے میں سدا اپنا ہی خنجر اترا <br /><br />پھر وہی خوف کی دیوار تذبذب کی فضا <br /><br />پھر وہی عام ہوئیں اہل ریا کی باتیں <br /><br />نعرۂ حب وطن مال تجارت کی طرح <br /><br />جنس ارزاں کی طرح دین خدا کی باتیں <br /><br />اس سے پہلے بھی تو ایسی ہی گھڑی آئی تھی <br /><br />صبح وحشت کی طرح شام غریباں کی طرح <br /><br />اس سے پہلے بھی تو پیمان وفا ٹوٹے تھے <br /><br />شیشۂ دل کی طرح آئینۂ جاں کی طرح <br /><br />پھر کہاں احمریں ہونٹوں پہ دعاؤں کے دئیے <br /><br />پھر کہاں شبنمیں چہروں پہ رفاقت کی ردا <br /><br />صندلیں پاؤں سے مستانہ روی روٹھ گئی <br /><br />مرمریں ہاتھوں پہ جل بجھ گیا انگار حنا <br /><br />دل نشیں آنکھوں میں فرقت زدہ کاجل رویا <br /><br />شاخ بازو کے لیے زلف کا بادل رویا <br /><br />مثل پیراہن گل پھر سے بدن چاک ہوئے <br /><br />جیسے اپنوں کی کمانوں میں ہوں اغیار کے تیر <br /><br />اس سے پہلے بھی ہوا چاند محبت کا دو نیم <br /><br />نوک دشنہ سے کھچی تھی مری دھرتی پہ لکیر <br /><br />آج ایسا نہیں ایسا نہیں ہونے دینا <br /><br />اے مرے سوختہ جانو مرے پیارے لوگو <br /><br />اب کے گر زلزلے آئے تو قیامت ہوگی <br /><br />میرے دلگیر مرے درد کے مارے لوگو <br /><br />کسی غاصب کسی ظالم کسی قاتل کے لیے <br /><br />خود کو تقسیم نہ کرنا مرے سارے لوگو <br /><br /><br /><br />Recitation of poetry is d
